Dala FM
Muryar Jama'a
Yanzu-yanzu
INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.
← Labarai
Labarai

Ƴan bindiga sun kashe Sheikh Yahaya Masussuka a gidansa da ke jihar Katsina.

Wasu da ake zargin yan bindiga ne sun kashe fitaccen malamin addinin Musulunci, Sheikh Yahaya Masussuka, a gidansa da ke garin Dutsin-Ma, Jihar Katsina.

Rahotanni sun ce lamarin ya faru ne da misalin ƙarfe 9 na dare, a ƙofar gidan malamin, lokacin da maharan suka buɗe masa wuta tare da wani amininsa.

Bayan harin, an garzaya da su zuwa Asibitin Dutsin-Ma domin samun agajin gaggawa, amma daga bisani aka tabbatar da rasuwarsu, kamar yadda kafar Premier Radio Kano ta ruwaito.

Har zuwa wannan lokaci, ba a samu cikakken bayani kan dalilin da ya sa aka kashe malamin ba.

Kisan ya jefa al’ummar Dutsin-Ma cikin alhini, musamman mabiyan Sheikh Yahaya Masussuka da sauran waɗanda suka san shi.

Rahotanni sun bayyana cewa, al'umma sun yi dafifi a ƙofar gidan malamin a cikin daren wannan rana.

Dala FM Kano 88.5 FM
Dala FM Kano 88.5 FM · Kai tsaye
Live