Dala FM
Muryar Jama'a
Yanzu-yanzu
INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.
← Labarai
Shari'a

Bayyana Usman Ibrahim da Ƴan Sanda suka yi a matsayin wanda ake nema ya saɓa doka - Lauya a Kano

Wani lauya mai suna Barrister Shua'ibu Gama ya ayyana cewar, bayyana Usman Ibrahim a matsayin wanda ake nema ruwa a jallo da yansandan shiyya ta daya (Zone One) suka yi ya saɓa da tsarin doka.

Barrister Gama ya bayyana hakan ne yayin zantawar sa da manema labarai a ranar Laraba 23 ga watan Satumban 2026.

Lauyan ya bayyana cewar akwai umarni da babbar kotun jaha ta bayar tun a ranar 12 ga watan Agustan 2026, a kan cewar kada yansandan su kama shi, duk wani mai ƙorafi akan Usman to ya je a hadu a kotu.

Barrister Gama ya bayyana cewar dole ne sai yansanda sun girmama umarnin kotu, a bisa umarnin kotun.

A cewar sa, "Matakin da yansandan suka ɗauka a matsayin cin zarafi ga shi Usman Ibrahim, kuma ba za mu zuba ido a yi wa doka karan tsaye ba," in ji shi.

Barista Gama ya kuma bayyana cewar za su ɗauki mataki na Shari'a akan abin da yansandan suka yi.

Dala FM Kano 88.5 FM
Dala FM Kano 88.5 FM · Kai tsaye
Live