Dala FM
Muryar Jama'a
Yanzu-yanzu
INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.
← Labarai
Labarai

Jarumi a masana'antar Kannywood Adam A Zango, ya shirya tafiya hutun Film na watanni uku.

Jarumi a masana'antar shirya fina-finan Hausa ta Kannywood, Adam A Zango, ya shirya tafiya hutun Film domin samun dama wajen kula da lafiyar sa.

Dala FM Kano ta ruwaito cewa, Adam A Zango ya sanar da hakan ne a shafin sa na sada zumunta ranar Juma'a 09 ga watan Oktoba, 2026.

A rubutun da ya wallafa ya ce, "Ina mai sanar da abokan sana'a ta cewa, zan tafi hutun watanni uku, daga ranar 10/11/2026 zuwa 10/02/2027 sakamakon duba lafiyata don haka ina buƙatar samun cikakken hutu da kulawa," in ji shi.

A cewar jarumin, yana fatan al'umma za su fahimci halin da yake ciki, tare da ba shi haɗin kai da goyon baya a wannan lokaci.

Ya kuma yi roƙon Allah maɗaukakin Sarki ya ba shi lafiya mai ɗorewa, tare da dukkanin musulmai da suke jinya.

Dala FM Kano 88.5 FM
Dala FM Kano 88.5 FM · Kai tsaye
Live