Dala FM
Muryar Jama'a
Yanzu-yanzu
INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.INEC ta musanta zargin cewa ana iya kashe na’urar BVAS ta hanyar nesa kafin a kammala zaɓe.
← Labarai
Labarai

Idan kullum za a rinƙa tura mini kyautar 50,000, ba zan zaɓi Tinubu ba a 2027 - Buhari Yunusa Kumurya

Ɗan gwagwarmayar nan a Najeriya, Kwamared Buhari Yunusa Kumurya, ya yi rantsuwar cewa Wallahi idan a kullum za a rinƙa tura masa tallafin Naira dubu 50,000, ba zai zaɓi shugaban ƙasa Bola Tinubu ba, a zaɓen 2027.

Kwamared Buhari Yunusa Kumurya ya bayyana hakan ne a shafin sa na Facebook, a ranar Alhamis 05 ga watan Nuwamba, 2027.

Buhari Kumurya ya ce shima an tura masa tallafin naira dubu 50,000, daga Gwamnatin tarayya ƙarƙashin jagorancin Shugaban Najeriya, Bola Ahmed Tinubu.

A cewar sa, ya rantse da Allah, idan kullum za a masa Naira 50,000, daga nan har zuwa ranar zaɓe, ba zai zaɓi Tinubu ba, domin ya san tsantsar yaudara ce.

A cikin makon nan ne dai ƴan Najeriya, suka fara samun tallafin naira dubu hamsin daga Gwamnatin tarayya, domin rage musu wani raɗaɗin rayuwa.

Dala FM Kano 88.5 FM
Dala FM Kano 88.5 FM · Kai tsaye
Live